من الذي سيقوم بتزوير نتائج الأنتخابات؟............عباس العكيلي

شهدت الساحة العراقية في الأيام الأخيرة ماقبل يوم الأنتخابات (غدا ) لغطا كثيرا وتصريحات كثيرة حول احتمالات تزوير نتائج الأنتخابات ، شارك في هذه التصريحات معظم القوى والكيانات السياسية المشاركة في هذه الأنتخابات، وحتى المرجعية الدينية في النجف، حيث صدرت منها بيانات وتناولها وكلاؤها في خطب الجمعة الماضية حول نفس الموضوع.بالتاكيد ان فان الكل يحاول تبرئة نفسه وكيانه من هذا التزوير المحتمل وتهويل القضية من اجل، اولا كسب المزيد من الأصوات، وابعاد الشبهة عنه ثانيا. باستثناء موقف المرجعية التي وقفت على مسافة واحدة من كل القوى من جهة ،ومن جهة اخرى فهي لاتملك ممثلين لها في مفوضية الأنتخابات .لقد شعر المواطن النبه، من ان هذه التصريحات قد تهدف الى تهيئته الى اجواء هذا التزوير المحتمل القادم، كي لايكون مفاجئا له ،وقد يؤدي الى انقسام الشارع ،كما هو حاصل في ايران بعد الأنتخابات التي جرت العام الماضي وادت الى وقوع مصادمات عنيفة لازالت تتفاعل وتتوسع كلما استمر القمع لمواجهة المعارضين. مع الأختلاف بين الوضع في ايران والوضع في العراق.قبل ان نتوجه الى صناديق الأقتراع كانت لي جلسة مع العزيز ابو سعدون وعندما سالته عن هذه الضجة فقال.
عمي هاي سووهه ضجة اوضغبرة او خللوا الناس ( اجاك الواوي، اجاك الذيب ) ساعه ايكولون راح يجون البعثيين، ومن جهة ثانية راح ايصير تزوير، حتى يشتغلون على راحتهم وايزورون مثل مايردون، بالله عليك هوه منهو اللي راح ايزور ، ليش مو همه اللي ايديرون كل شيء؟ والمفوضية هي مو تابعة الى هاي الأحزاب اللي اتصيح – راح ايصير تزوير – وهمه الي ايقودون كل الأجهزة الأمنية وهمه اللي راح ايفرزون الصناديق اللي ضموهه المرة الأولية في مقراتهم واللي فضحهم اللأمي لما كال ( عبرت 2 مليون ورقة انتخاب من ايران ) اوعلى اثرها طردوه مدري سجنوه ؟؟ بوية هذول مثل سالفة جماعة آل بوسعيدة لما طشوا بين الناس انه راح اتصير بوكات ( سرقات ) اوبعد ماباكوا حلال الناس يالله انكشفوا؟؟ هذوله جماعة جانوا - بس ابروح ابوك لاتذكر اسماء – ساكنين اهنا ومنفصلين من عشيرتهم الأصلية ،اوبعد انقلاب شباط الأسود 1963 فالناس بالريف وانتقاما لما فعل العفالقة اتمردت واصبحت شغلة الحرمنه ( السرقة ) وذهاب الرجل بالليل شجاعة, فهذولة الجماعة صاروا ايسربون حجايه اهناه واخرى اهناك من ان المنطقة ايكول عنها الشيخ الفلاني او القاريء العلاني راح اتصير بيهه بوكات ( سرقات )! وفعلا بعد فترة صار الحجي من ان فلان انباكت افرسه ( فرسه ) والآخر اتفكته (بندقية ) وذاك انباك منه حلال يعني غنم هوش وغيرها.اوهاي البوكات محد يكدر يوصلها الا اللي يعرف بالمنطقه، ايسمونه حرامي البيت. اهذا حرامي البيت صعب اتكشفه ابسرعه.اتفقت الناس بان اتسوي انطاره ( حراسات ) وبعد كم يوم وكع واحد من الحرامية بيد مجموعة من النواطير واذا به من جماعة آل بوسعيدة اللي طشوا دعاية هاي البوكات!!فياعزيزي ههولة نفس الشي ايصيحون راح اتصير تزويرات، اوكل واحد اسوي نفسه هو بعيد عنها ، بس اوداعتك راح يوكعون بيهه مثل وكعة حرامي آل بوسعيدة بس بعد ماندفع الثمن.