لاسني ولا شيعي ولا كردي نريد حاكم امريكي !!!

ابن العــراق
اليوم وصلتني رسالة من اخت عزيزة لي بعد ان قرأت ما كتبته البارحة عن صديقي الذي كان مثقف وصار طائفي اليوم ،هذه الاخت سنية متزوجة من شيعي هاشمي وتعيش في المهجر بكل سعادة وهناء مع من اختاره قلبها،هذه العراقية سألتني سؤال واحد سوف اجيبها عليه الان،سؤاله هو ماذا نفعل نحن اهل الزواج المختلط ( سني وشيعي) لكي نحمي اولادنا من الفكر الطائفي والصراع السني الشيعي،علما انها تؤكد ورغم انها تعيش على بعد سبعة الاف ميل او اكثر عن العراق بان المجتمع العراقي القريب لها صار اغلبه يتحدث في نفس المنطق وهي تتاسف عللى ذلك وايضا انها اذا ارادت ان تبعد اولادها عن ذلك المجتمع حتى يبتعدوا عن المنطق الطائفي ولايلوثوا فكرهم واذانهم بهكذا افكار متخلفة عمرها 1500 سنة فانها تجد نفسها محاصرة في بيتها بذلك الحديث الذي ما ان تفتح جهاز التلفاز حتى يطل عليها احد الاسلاميين المعتوهين لكي يشتم هذا ويجيبه ذاك فهل تحرم اولادها من التلفاز ايضا او تدعهم يشاهدون ماهو محرم في منظور نفس الاسلاميين؟؟؟؟
وانا منذ الصباح احاول ان اجد لها اجابة واقول يا عزيزتي جربنا حكم السنة 80 سنة وامامك النتيجة الان خراب ودمار وتفسخ اخلاقي واجتماعي وفقر وسرقات ومقابر جماعية .
واخيرا فلم ام المهازل بطولة الحيوانات من فئة اولاد صبحة .
ثم اتى بريمر قالوا عنه حرامي اشتغل سنة زمان شال تسعة مليار دولار وشلع وترك العراق بمصباح اظلم .
وبعدها اتى علاوي العلماني ابو البلاوي وخلال ستة اشهر رجعوا كل البعثية للحكم وجماعته كل واحد منهم كان ما يملك 100 دولار اليوم صار عندهم مليارات الدولارات وطائرات خاصة وعقارات في الخارج وتحميهم حصانة برلمانية من القضاء وتحفهم رعاية الله وكتبه ورسله واليوم علاوي يريد يحرق العراق كله اذا ما صار رئيس وزراء وطز بالكل !!!!
وبعد علاوي اتى السيد القوي الامين وجماعته هذا السيد والله ويشهد الله ايده ما تخذ حرام ولكن ايده مفتوحة زايد على ربعه واصحابه والله وحده يعلم كم راتبه ومخصصاته وكم اعطى هدايا وعطايا ،جماعة السيد والشمعة لم يبقوا لمبة واحدة بالعراق منورة ولم يعمروا طابوقة واحدة في العراق من الفاو الى بغداد علما ان كل الجنوب والوسط امن تماما وما بيه ولا ارهابي (بعد وين الحجة ؟؟) لان ابناء الجنوب عرفوا العلة وين فكان شعارهم بعد التحرير الباب اليجيك منه ريح سدة واستريح وال....ة تتوب والبعثي ما يتوب فقطعوا راس كل بعثي وكل ارهابي يعني( جابوا راس وكطعوا خبر )وناموا مستريحين بعد اول شهرين من التحرير ينتظرون رحمة الله والشمعة والسيد ولليوم هم بلا كهرباء ولا مجاري ولاماء شرب واخيرا بلا بنزين والبنزين والنفط يطلع من تحت بيوتهم اذن ذولة هم فشلوا.
هسة نجي على الاخوة الاكراد اللي هم وضعهم احسن من كل العراق لان عرفوا من اين تؤكل الكتف ومن اين ياتي البلاء فاختاروا حكم علماني ولم يعطوا للغريب الوافد من عبر الحدود اي فرصة لكي يندس بيناتهم وينام ويه خواتهم بنفس الغرفة مثل ما صار بغرب العراق المضياف على اساس ان هذا مجاهد اسلامي والمسلم اخو المسلمة وذبح المسلم من الطائفة الاخرى حلال،ولكن بعدين عرفنا ان الاخوة هم مظلومين والخير صار على ناس وناس وخال وابن اخت واليحجي ياكل 30 سنة سجن على سنة عواد البندر ابو العكال العربي صلوات الله عليه وعلى شرفه وعروبته اذن هذه التجربة هم فشلت.

اذن ما هو الحل يا عزيزتي؟؟؟
الحل هو في عراقي قح اخو اخيته يقلع كل هؤلاء الفاسدين والسراق والحرامية والمنافقين والطغاة معممين وحاسرين يقطع راس كل الارهابين واولهم اولاد صبحة وجماعتهم ويكص لسان المطلق والدليمي والعليان والضاري ويسجن كل مراسلي الخنزيرة والظلام وباقي قنوات الشر ويمنع دخول كل عربي للعراق ويسمك الحدود بقبضة حديدية من قبضات سواعد ابناء المقابر الجماعية والانفال وما يتركها بيد احفاد عفلق الانباري ،ويشعل نار جهنم على كل جار يمد اصبعه في ارض العراق اذا ايراني واذا عربي نجس،ويلغي رواتب ومخصصات وتقاعد الوزراء والنواب وتوابعهم وحاشيتهم ،ويطرد كل الاحزاب من المقرات اللي احتلتها بقوة السلاح ويسأل كل مسؤول حتى لو كان ابوه من اين لك هذا ويسلم صدام وربعه والمحامين العرب اللي جايين يدافعون عليه للشعب المظلوم واكرر هو والمحاميين جماعته،ويعلق مافيات المناقصات والمقاولات وعصابات تهريب النفط الحزبية والدينية بساحة التحرير ويحل كل المليشيات،ويسحب عقد حماية النفط ابو الملايين من يد مشعان واولاد عمة ويلغي كل شي اسمه المنطقة الخضراء ويفتح قناة فضائية او اكلج اثنين مو وحدة وحدة تشتم العرب والعربان يوميا وتعرض فضايحهم ووحدة تعرض اغاني ومنوعات فقط لالطم ولا سياسة ولا بركات هذا السيد ولا زيارات هذا الشيخ ،ويقطع لسان كل واحد يلفض كلمة سني وشيعي وعربي وكردي ،ويرفع علم عراقي واحد فوق كل بناية من زاخو للفاو ،قائد عراقي اخو اخيته ما يعترف لابسيد ولا شيخ ولا خالصي ولا صدري ولا ضاري وهيئته الملعونة ،ويجلب كل العقول العراقية المهاجرة والكفاءات ويعطيها رواتب اكثر من الامريكان والحمايات الخاصة المرتزقة ويكلهم هذا العراق كدامكم وهذه فلوس وعمروه واليبوك اكص راسه بلا محكمة
واهم من هذا كله يعلن امام العالم اجمع انه بعد اليوم العراق لن يدفع فلس عراقي احمر واحد تعويضات لاي بشر ويتبرأ من كل شيء اسمه عروبة وفلسطين ويفتح سفارة اسرائيلية مقرها معبد ام المعارك الذي احتله اللعين الضاري ويخليها شوكة بعين كل العربان لان اليهود هواية اشرف منهم وعندها راح تشوفين شلون ايصير شكل العراق.

بس اقول لك ملاحظة اخيرة هل راح يخلوه اهل الرحم والعمايم يشتغل ؟؟؟
والله راح يكولون هذا كافر لو يكولون امريكي ويخلون الناس بالشارع تسحله وبالقنادر تضربه لان بس هذه الاسطوانه اللي يعرفوها جماعتنا اليوم من بعد كلمة سني وشيعي وكردي وصفوي .