كًود باي

لطيف الساعدي

Good bye امريكا

وخلينه

جبتي سيد

يفتي علينا

مايرضه جنز تلبسينا

ولاحلاق يزين بينا

من كًال انتي الحررتينا

احتليتنا ودمرتينا

لا دكتور يعالج حرمه

ولازلمه يسولف وي زلمه

بس سيد

بعطابه يكوم ويجوينه

* * *

Good bye امريكا

عله الماي

لو مكًطوع لو خابط جاي

بطلنه نخدرلج جاي

ومن نشرب

من ظيم البينا

* * *

Good bye امريكا

عله ظلمه

رجعتينا لعصر لمبه

ومن نطبخ

فوك سرجينا

جاوين نفط تودينه